რა არის რეფინანსირება და რა უნდა ვიცოდეთ სესხის რეფინანსირებამდე?

რეფინანსირება კარგი გამოსავალია სესხთან დაკავშირებული ხარჯების შესამცირებლად და თანხის დასაზოგად.

სამწუხაროდ, ბევრმა მსესხებელმა არ იცის, რომ შეუძლიათ თავიანთ ბანკთან მოლაპარაკება და სესხის საპროცენტო განაკვეთის გაუმჯობესება ან ხელშეკრულებაში სხვა, მათთვის ხელსაყრელი ცვლილების შეტანა.

რეფინანსირების შედეგად შესაძლებელია საპროცენტო განაკვეთის 5%-ით შემცირებაც კი.

ამ სტატიაში განვიხილავთ რეფინანსირების სპეციფიკასა და თავისებურებებს. გაეცანი რჩევებს და მხოლოდ ამის შემდეგ გადაწყვიტე, რამდენად გონივრულია შენთვის მისი მოთხოვნა.

რა არის სესხის რეფინანსირება?

სესხის რეფინანსირება ნიშნავს შენი მიმდინარე სესხის პირობების გაუმჯობესებას ან ახალი სესხის აღებას ძველი სესხის (ან სესხების) გადასაფარად. 

როდესაც რეფინანსირებაზე ვსაუბრობთ, უმეტესად ვგულისხმობთ იპოთეკურ სესხს ან სამომხმარებლო სესხს, თუმცა მისი მოთხოვნა შეგვიძლია ნებისმიერი ტიპის სესხზე.

ყველაზე ხშირად, მსესხებლები ეძებენ ისეთი ტიპის რეფინანსირებას, როდესაც ეფექტური საპროცენტო განაკვეთი მცირდება და, შედეგად, იკლებს ყოველთვიური საპროცენტო ხარჯები.

რა უნდა იცოდე რეფინანსირების შესახებ?

სწორი რეფინანსირება დაგეხმარება სესხის საპროცენტო განაკვეთის შემცირებაში, გადახდის გრაფიკის გაუმჯობესებასა და ხელშეკრულების სხვა პირობების შენზე მორგებაში.

გამოვყოთ საკვანძო დეტალები, რაც უნდა იცოდე რეფინანსირების სესხის შესახებ.

როდის მიმართავენ რეფინანსირებას?

მსესხებლები სესხის რეფინანსირებას უმეტესად მიმართავენ მაშინ, როდესაც აქვთ მოლოდინი, რომ ბანკი შეუმცირებს კრედიტის საპროცენტო განაკვეთს. მაგ. მაშინ, როდესაც უმჯობესდება მსესხებლის საკრედიტო ისტორია.

მეორე მნიშვნელოვანი მომენტი, როდესაც ადამიანები რეფინანსირებაზე იწყებენ ფიქრს, არის ქვეყანაში ეროვნული ბანკის რეფინანსირების განაკვეთის შემცირება.

ეროვნული ბანკის რეფინანსირების განაკვეთი პირდაპირპროპორციულად არის დაკავშირებული ქვეყნის ზოგად ეკონომიკურ მდგომარეობასთან.

ეკონომიკური ფონის გაუმჯობესების დროს, სები რეფინანსირების განაკვეთს ამცირებს, რაც იმ ბანკისთვის, რომელშიც სესხი გაქვს აღებული, ერთგვარი შეღავათია.

💡 ამ სიტუაციას ბევრი მსესხებელი თავის სასარგებლოდ იყენებს და მიმართავს ბანკს რეფინანსირების მიზნით, რადგან იციან, რომ ბანკებს ასეთ დროს შეუძლიათ სესხის საპროცენტო განაკვეთის შემცირება.

სესხის რეფინანსირების სახეები

რეფინანსირების არაერთი მიდგომა არსებობს. რა ტიპის რეფინანსირებას მოითხოვს მსესხებელი, ინდივიდუალურად წყდება მისი ფინანსური მდგომარეობიდან და მიზნებიდან გამომდინარე.

მიუხედავად ამისა, შეგვიძლია გამოვყოთ 3 ყველაზე ხშირი მიზეზი, რატომაც ითხოვენ რეფინანსირებას საქართველოში.

განვიხილოთ თითოეული და ავხსნათ, რა დროს არის გონივრული ამა თუ იმ რეფინანსირების ტიპის გამოყენება.

1. სესხის საპროცენტო განაკვეთის ცვლილება

ყველაზე გავრცელებულია რეფინანსირება საპროცენტო განაკვეთის შესამცირებლად.

ასეთ დროს არსებული სესხის ხელშეკრულებაში შედის ცვლილებები ან მსესხებელი სრულად ფარავს ძველ სესხს და მისი ჩანაცვლება ხდება ახალი, დაბალპროცენტიანი სესხით.

2. სესხის ვადის ცვლილება

როდესაც მსესხებელს უჭირს სესხის ყოველთვიური ხარჯების დაფარვა, სესხის ვადის გაზრდა კარგი გამოსავალია, რადგან სესხი მეტ თვეზე გადანაწილდება და ყოველთვიურად შესატანი თანხის მოცულობაც შემცირდება.

ვადის ცვლილება სესხის რეფინანსირების ერთ-ერთი სახეა.

ხშირად პირიქითაც ხდება, მსესხებელი სესხის რეფინანსირებას დაფარვის გრაფიკის შემცირების მიზნით ითხოვს, რადგან მისი ფინანსური მდგომარეობა გაუმჯობესდა და მზად არის იმაზე ადრე დაფაროს სესხი, ვიდრე არსებულ ხელშეკრულებაში წერია.

3. არსებული სესხების გაერთიანება

რეფინანსირების კიდევ ერთი გავრცელებული მიდგომაა სესხების გაერთიანება.

შესაძლებელია არსებული პატარ-პატარა ვალდებულებები გააერთიანო ერთი სესხის ქვეშ, რის შემდეგაც გაიუმჯობესებ კრედიტის პირობებს და თვეში მხოლოდ ერთი ვალდებულება გექნება დასაფარი.

გარდა ამისა, სესხების გაერთიანება იმ კომფორტსაც გთავაზობს, რომ ითანამშრომლებ მხოლოდ ერთ ბანკთან და გექნება სესხის დაფარვის მხოლოდ ერთი გრაფიკი.

მიმდინარე მცირე ვალდებულებების გადასაფარად, როგორც წესი, მიმართავენ იპოთეკურ სესხს.

ონლაინ სესხის გაერთიანება იპოთეკური სესხის ქვეშ

როდესაც მსესხებელს აქვს ბევრი მიმდინარე ვალდებულება და მისი ფინანსური მდგომარეობა იმდენად დამძიმდა, რომ ვეღარ ფარავს მიმდინარე მცირე სესხებს, ასეთ დროს კრედიტორები სთავაზობენ ახალი სესხის აღებას, მის იპოთეკით დატვირთვას და ყველა მცირე სესხის გადაფარვას.

აუცილებელი მოთხოვნაა, რომ ახალი სესხი უძრავი ქონებით იყოს უზრუნველყოფილი. ეს გასაკვირი არც არის, რადგან ასეთ მსესხებელს არ აქვს სახარბიელო საკრედიტო ისტორია და მისი გადახდისუნარიანობა ეჭვქვეშ დგას.

💡 იპოთეკური სესხით პრობლემური სესხების გადაფარვა ხშირად მომგებიანი ვარიანტია, რადგან იპოთეკის – ანუ უზრუველყოფილი სესხის საპროცენტო განაკვეთი ბევრად დაბალია, ვიდრე არაუზრუნველყოფილი, მაღალპროცენტიანი ონლაინ სესხების.

შესაბამისად, მსესხებელს უმცირდება საპროცენტო ხარჯები და უფრო ნაკლები თანხის შეტანა უწევს ყოველთვიურად. როგორც წესი, ეს შეღავათი, ფინანსური მდგომარეობის გამოსწორებაში დიდ როლს თამაშობს.

როგორ ხდება რეფინანსირება?

რეფინანსირებისთვის უნდა დაუკავშირდე ამჟამინდელ კრედიტორს ან სხვა ბანკს, რომელიც ახალ სესხს შემოგთავაზებს უკეთესი პირობებით.

რეფინანსირებაზე განაცხადის შეტანა არ არის რთული და ჰგავს სხვა ტიპის უზრუნველყოფილი სესხების აღების პროცედურას.

არჩევანი რომ გაგიმარტივოთ, გამოვყავით ყველაზე პოპულარული სესხი Financer.com-ის ვიზიტორებს შორის.

რომელ სესხს ირჩევენ ყველაზე ხშირად?

არჩეულია 24, 440 -ჯერ

• თიბისი ბანკის ონლაინ სესხი – tbc credit
• სწრაფი სესხი 100-დან – 30 000 ლარამდე, 3-48 თვით
• ეფექტური საპროცენტო განაკვეთი 15.8%დან
• სესხის აღების სრულიად ონლაინ პროცედურა და უმარტივესი აპლიკაცია

4.4წაიკითხე 35 შეფასება

თიბისი ბანკის სწრაფი ონლაინ სესხი tbccredit.ge განკუთვნილია მათთვის, ვისაც თანხა სასწრაფოდ სჭირდება და სწრაფი ონლაინ სესხის აღებას გადაწყვეტს.

მეტი ინფორმაციადაიწყე

რა საბუთები დამჭირდება სესხის რეფინანსირებისთვის?

სესხის რეფინანსირებისთვის უნდა მოამზადო თითქმის იგივე დოკუმენტები, რომლებიც ჩვეულებრივი სამომხმარებლო ან იპოთეკური სესხისთვის გჭირდება.

შევადგინეთ სია იმ საბუთების, რომლებიც რეფინანსირების დროს ყველაზე ხშირად მოითხოვება.

**გაითვალისწინე, რომ მენ მიერ არჩეულმა ბანკმა შესაძლოა დამატებით სხვა საბუთებიც მოგთხოვოს.

3 რჩევა რეფინანსირების მოთხოვნამდე

ამ რჩევების გაცნობის შემდეგ გვჯერა, რომ ინფორმირებულ გადაწყვეტილებას მიიღებ.

თუ რეფინანსირება გააუმჯობესებს შენს ფინანსურ მდგომარეობას და აპირებ რეფინანსირების მოთხოვნას, შეადარე იპოთეკური სესხების შემოთავაზებები და გაეცანი ბაზარზე არსებულ პირობებს.