შეადარე ანაბრების პირობები და მიიღე ყველაზე მაღალი სარგებელი

  • დეპოზიტის გახსნამდე გაეცანი სასარგებლო რჩევებს
  • შეადარე ანაბრების პირობები და სწორად შეარჩიე შენზე მორგებული ანაბარი

შეადარე ანაბრები ქართულ ბანკებში

არჩეულია 1220 -ჯერ
  • ვადიანი ანაბრი
  • ანაბრი ყველა ვალუტაში
  • წლიურ 10 % ამდე
  • 3 და 24 თვემდე
2.0
წაიკითხე 1 შეფასება
არჩეულია 2637 -ჯერ
  • შეამცირეთ თანხის გამოყენების ცდუნება
  • მიიღეთ 10.85%-მდე სარგებელი
  • გაანაღდეთ საკომისიოს გარეშე
  • აირჩიეთ მაქსიმალურად მოქნილი ანაბარი
4.6
წაიკითხე 5 შეფასება
არჩეულია 1157 -ჯერ
  • ანაბრის გახსნა და მომსახურება - უფასო
  • 3-დან 24 თვის ჩათვლით
  • მინიმალური თანხა ანაბრის გასახსნელად - 100
  • ანაბარზე თანხის დამატება - შეუძლებელია
4.0
წაიკითხე 2 შეფასება

ყურადღება!

გთხოვთ გაითვალისწინოთ, რომ სესხი დროულად უნდა დაიფაროს, რათა თავიდან აირიდოთ ვადაგადაცილების საკომისიო და სხვა ზედმეტი ხარჯი. სესხის აღებამდე კარგად დაფიქრდით! თუ სესხით ისარგებლობას გადაწყვეტთ, აუცილებლად გაეცანით სესხის ხელშეკრულების პირობებს!

ინვესტიცია

ანაბარი – თანხის შენახვის ურისკო გზა

თანხის დაზოგვა და მომავლის კეთილდღეობაზე ფიქრი თითოეული ადამიანისთვის მნიშვნელოვანია, Covid-19-ის პანდემიამ კიდევ უფრო მეტად დაგვანახა, რომ აუცილებელია ‘შავი დღისთვის’ გადავინახოთ მცირე დანაზოგი მაინც.

მეორე მხრივ, თანხის დაზოგვა არის ერთ-ერთი საუკეთესო გზა მომავალში დასახული მიზნების მისაღწევად და ოცნებების ასასრულებლად – იქნება ეს სახლის შეძენა, ახალი ავტომობილის ყიდვა თუ სხვა აქტივში ინვესტიცია.

მარტივად შეადარე ანაბრების პირობები | Financer.com

საქართველოს ბაზარზე უამრავი ანაბრის შემოთავაზება გვხვდება, თითქოს ყველა ერთმანეთს გავს და მათი პირობებიც დამაბნეველია.

სწორედ ამიტომ გვინდა მეტი ინფორმაცია მოგაწოდოთ ანაბრების თავისებურებების შესახებ და გაგიზიაროთ რჩევები – რა უნდა გაითვალისწინო შემნახველ ანაბარზე თანხის შეტანამდე. 

ვისთვის არის განკუთვნილი ანაბარი?

შემნახველი ანაბარი თანხის დაზოგვის საუკეთესო გზაა მათთვის, ვისაც არ უყვარს რისკის აღება. თანხის შემნახველ ანგარიშზე განთავსებიდან 1 წლის შემდეგ შენ უკვე გაქვს გაზრდილი დანაზოგი, ამასთანავე, რისკი 0-მდეა დაყვანილი და სარგებლის მიღება გარანტირებულია.

თანხის დაზოგვის/ინვესტიციის ალტერნატიული გზებიც არსებობს, მაგალითად, კრიპტოვალუტის შეძენა, აქციების შეძენა და ა.შ. თუმცა, ამ ტიპის ინვესტიციის დროს სტაბილური სარგებლის მიღება გარანტირებული არასდროსაა, დამოკიდებული ხარ შენ მიერ შეძენილი კრიპტოვალუტის ან აქციების ფასის რყევებზე.

ანაბარი განკუთვნილი მათთვის, ვინც ეძებს თანხის დაზოგვისა და საკუთარი დანაზოგის ზრდის ურისკო გზებს.

დანაზოგის ანაბარზე შეტანა არ არის ინვესტიციის ყველაზე მომგებიანი ფორმა, თუმცა მაინც უკეთესი ალტერნატივაა, ვიდრე ყულაბაში ან ბალიშის ქვეშ დაგროვება, რადგან დანაზოგი სახლში არ არის უსაფრთხოდ და, ამასთანავე, თვიდან თვემდე კარგავს ღირებულებას მაღალი ინფლაციის გამო.

ვის შეუძლია ანაბრის გახსნა?

ანაბრის გახსნა შეუძლია თითქმის ყველას, ვინც არის სრულწლოვანი, ამ სერვისით სარგებლობა არ არის შეზღუდული უცხო ქვეყნის მოქალაქეებისთვის – როგორც საქართველოს, ასევე სხვაქვეყნის მოქალაქეებს შეუძლიათ საქართველოს ნებისმიერ ბანკში ანგარიშის გახსნა;

არ აქვს მნიშვნელობა ხარ უმუშევარი, გაქვს დაბალი საკრედიტო რეიტინგი თუ ცუდი გადახდების ისტორია, სურვილის შემთხვევაში ბანკი ვალდებულია გაგიხსნას შენთვის სასურველი ტიპის ანაბარი, თუ ანაბრის პირობებს აკმაყოფილებ.

გაითვალისწინეთ, რომ ეს ვალდებულება ვრცელდება მხოლოდ საქართველოში მოქმედ ოფიციალურ ბანკებზე, ანუ ფინანსურ ინსტიტუტებზე, რომლებსაც მინიჭებული აქვთ საბანკო მომსახურების ლიცენზია და სტატუსი ეროვნული ბანკის მიერ.

    ანაბრის გახსნამდე გირჩევთ, პასუხი გასცე შემდეგ კითხვებს:

  • რა თანხის დაზოგვა გსურს და რა დროში? 

  • გსურს თუ არა ნებისმიერ დროს შეგეძლოთ ანაბარზე არსებული ფულის გამოტანა?

  • გაქვს თუ არა კონკრეტული ნიშნული, რომელსაც გინდა მიაღწიოს შენმა დეპოზიტმა? 

ამ კითხვებზე პასუხის გაცემის შემდეგ უფრო მარტივად აარჩევ შენთვის სასურველ ანაბრის ტიპს.

რა ტიპის ანაბარი არსებობს?

საქართველოს ბაზარზე არსებული ბანკები გვთავაზობენ უამრავ განსხვავებულ შემნახველ ანგარიშს, თუმცა მასზე თანხის შეტანისა და სარგებლის დარიცხვის თავისებურებებიდან გამომდინარე, იყოფა, ძირითადად 3 ტიპად და თითოეული ‘განსხვავებული’ ანაბრის შემოთავაზება მათ მოდიფიკაციას წარმოადგენს. გავიცნოთ თითოეული მათგანი:

ვადიანი ანაბარი 

ვადიანი ანაბარის შემთხვევაში წინასწარ არის განსაზღვრული, თუ კონკრეტულად რა ვადით განთავსდება თანხა შემნახველ ანგარიშზე და რა ვადის განმავლობაში დაერიცხება თანხას სარგებელი.

მეანაბრე, ანუ ბანკი, თავად განსაზღვრავს ამ ტიპის ანაბრის ვადას და ანაბრის ხელშეკრულებაც სწორედ ამ ვადით ფორმდება ბანკსა და მომხმარებელს შორის. 

ვადიანი ანაბრის კიდევ ერთი პირობაა ის, რომ ხელშეკრულების მოქმედების პერიოდში თანხის დამატება შეუძლებელია.  ვადიანი ანაბარი იხსენება კონკრეტული ვადით კონკრეტული რაოდენობის თანხის შესანახად.

➜  მოთხოვნამდე ანაბართან შედარებით, ვადიან ანაბრებზე საპროცენტო განაკვეთები, როგორც წესი, უფრო მაღალია.

მოთხოვნამდე ანაბარი 

მოთხოვნამდე/შემნახველი ანაბარი არის უვადო და მომხმარებელს ნებისმიერ დროს შეუძლია თანხის დამატება ან გატანა შეუზღუდავი ვადით, თუმცა, შესაძლოა ბანკის მიერ ანაბარზე დაწესებული იყოს თანხის დღიური განაღდების ლიმიტი, ამიტომ, ანაბრის ხელშეკრულებაზე ხელის მოწერამდე კარგად გაეცანით ყველა პირობას.

მომხმარებელი თანხის გატანის შემთხვევაში იხდის გარკვეულ განაღდების საკომისიოს. ზოგიერთ შემთხვევაში ნაღდი სახით შეტანილი თანხის გამოტანა უფასოა. 

ჩვეულებრივ, შემნახველ დეპოზიტებზე საპროცენტო სარგებელი ნაკლებია სხვა ტიპის დეპოზიტებთან შედარებით.

ზრდადი ანაბარი

ზრდადი ანაბარი ვადიანი ანაბრის ტიპისაა – იხსნება კონკრეტული ვადითა და სარგებლის ფიქსირებული განაკვეთით, თუმცა, ვადიანი ანაბრისგან განსხვავებით, ზრდად ანაბარზე მომხმარებელს ანგარიშზე თანხის დაამატების საშუალება აქვს.

როგორც წესი, დასამატებელი თანხის მოცულობას და პერიოდულობას განსაზღვრავს ბანკი და ყველა პირობა აღწერილია ხელშეკრულებაში. ვადიანი და ზრდადი ანაბრების მოქმედების პერიოდი დაახლოებით მსგავსია – ორივე 3-დან 24 თვემდე ვადით იხსნება.

გაითვალისწინე, რომ ზოგიერთ ბანკს დაწესებული აქვს მინიმალური თანხა, რომელიც აუცილებლად უნდა განათავსოთ ანგარიშზე მისი გახსნისას, მნიშვნელოვანია, ყურადღება მიაქციოთ ბანკების ინდივიდუალურ შეთავაზებებსა და პირობებს!  

    რომელი ტიპის ანაბარი ავირჩიო?

  • თუ გსურს, რომ ყოველთვე შენი ხელფასიდან რაღაც ნაწილი დაზოგო და ბანკში გახსნილ შემნახველ ანგარიშზე გადაიტანო, ამისთვის კარგი არჩევანია ზრდადი ანაბრის გახსნა;

  • თუ უკვე არსებული დანაზოგის გადადება გსურს და არ გინდა, რომ მოაკლო თანხა გარკვეული პერიოდის განმავლობაში, მაშინ ვადიანი ანაბარი საუკეთესო ვარიანტია – იგი ზღუდავს შენ მიერ თანხის გამოტანის შესაძლებლობას.

  • თუ გსურს შენი შვილისთვის მომავალზე ზრუნვა და თანხის დაზოგვა დაიწყო მისი მცირე ასაკიდანვე, უმჯობესია გამოიყენო სპეციალურად ამ მიზნით შექმნილი საბავშვო ანაბრის შემოთავაზება, ბავშვი თანხის გამოყენებას შეძლებს მაშინ, როდესაც მიაღწევს სრულწლოვნებას.

არის თუ არა დეპოზიტები უსაფრთხო?

შემნახველ ანაბარზე თანხის შეტანა კიდევ უფრო უსაფრთხო გახდა 2018 წლის იანვრიდან, ანუ მას შემდეგ, რაც საქართველოში ამოქმედდა დეპოზიტების დაზღვევის სისტემა; შეიქმნა დეპოზიტების დაზღვევის სააგენტო, რომელიც უზრუნველყოფს შენი დანაზოგების ანაზღაურებას იმ შემთხვევაში, თუ ბანკს შეექმნება ფინანსური პრობლემები და გაკოტრების რისკის წინაშე აღმოჩნდება.

დეპოზიტების დაზღვევის სისტემა ინოვაციაა ჩვენი ქვეყნის საფინანსო სექტორში და 2018 წლის 1 იანვრიდან ამოქმედდა, იგი აზღვევს იმათ დანაზოგებს, ვისაც თანხა ქართულ კომერციულ ბანკში აქვთ განთავსებული – თუ ბანკი, რომელშიც ანაბარი გაქვს გახსნილი, გაკოტრდა, 5 000 ლარამდე ზარალს აგინაზღაურებს დეპოზიტების დაზღვევის სახელმწიფო ფონდი.

ანაბრები vs აქციები vs კრიპტოვალუტა

თანხის კრიპტოვალუტასა და აქციებში დაბანდებით უფრო მეტი უკუგების მიღებაა შესაძლებელი, ვიდრე ანაბარზე შეტანის შემთხვევაში. განსაკუთრებით კი მაშინ, თუ გაინტერესებს ეს სფერო და იღბალიც შენს მხარესაა, თუმცა ინვესტირება აქციებსა და კრიპტოვალუტაში საკმაოდ რისკიანია და სარგებლის მიღების არავითარი გარანტია არ გაქვს, უფრო მეტიც, შესაძლოა სრულად დაკარგო შენი წლებით ნაგროვები დანაზოგი.

აქედან გამომდინარე, შემნახველი ანგარიში, შეიძლება, უკეთესი ვარიანტი იყოს თუ ეძებ თანხის დაზოგვის სტაბილურ და უსაფრთხო ვარიანტს.

რედაქტორი - Financer.com საქართველო | სალომე დაინტერესებულია პირადი ფინანსების საკითხებით და მისი მიზანია ფაქტებზე დაფუძნებული ფინანსური ცოდნის/ინფორმაციის გავრცელება, რათა დაგეხმაროთ თქვენ - მიიღოთ ინფორმცირებული და გონივრული ფინანსური გადაწყვეტილებები.

გააზიარეთ

ჩვენ ვიყენებთ Cookies-ს, რათა შენი ვიზიტი გავხადოთ მაქსიმალურად ეფექტური და მორგებული თქვენს ინტერესებზე. ჩვენი საიტის სარგებლობისა ნიშნავს, რომ Cookies  გამოყენების  პირობები მისაღებია თქვენთვისს.