შეადარე ანაბრები ქართულ ბანკებში
- ვადიანი ანაბრი
- ანაბრი ყველა ვალუტაში
- წლიურ 10 % ამდე
- 3 და 24 თვემდე
არჩეული 4505 ჯერ- შეამცირეთ თანხის გამოყენების ცდუნება
- მიიღეთ 10.85%-მდე სარგებელი
- გაანაღდეთ საკომისიოს გარეშე
- აირჩიეთ მაქსიმალურად მოქნილი ანაბარი
არჩეული 1256 ჯერ- ანაბრის გახსნა და მომსახურება - უფასო
- 3-დან 24 თვის ჩათვლით
- მინიმალური თანხა ანაბრის გასახსნელად - 100
- ანაბარზე თანხის დამატება - შეუძლებელია
ყურადღება!
Financer.com მედიაში:
როგორ შევადარო დეპოზიტები Financer.com-ზე?
Financer.com-მა შენთვის გაადვილა საუკეთესო დეპოზიტის პოვნა! შეადარე შემნახველი ანაბრები უფასოდ და იპოვე საუკეთესო ანაბარი 30 წამში.
რას ნიშნავს ანაბარი?
ანაბარი ფულის დაზოგვის, სარგებლის მიღებისა და ინფლაციისგან თავის დასაცავად ერთ-ერთი ყველაზე უსაფრთხო გზაა. თუ ფულის შენახვის ურისკო გზას ეძებ, თანაც გინდა, რომ დროის გასვლასთან ერთად მცირედი სარგებელიც მიიღო, მაშინ ანაბარი შენთვისაა.
მიუხედავად იმისა, რომ კომერციული ბანკების საპროცენტო განაკვეთები ანაბრებზე არც ისე მაღალია, შენ მიერ ანაბარზე შეტანილ თანხას ყოველთვიურად ერიცხება სარგებელი, რაც სტაბილური შემოსავლის მიღების ერთ-ერთი მარტივი გზაა.
რამდენად უსაფრთხოა ანაბარზე თანხის შეტანა?
შემნახველ ანაბარზე თანხის შეტანა კიდევ უფრო უსაფრთხო გახდა მას შემდეგ, რაც საქართველოში ამოქმედდა დეპოზიტების დაზღვევის სისტემა (2018 წ); შეიქმნა დეპოზიტების დაზღვევის სააგენტო, რომელიც უზრუნველყოფს შენი დანაზოგების ანაზღაურებას იმ შემთხვევაში, თუ ბანკს შეექმნება ფინანსური პრობლემები და გაკოტრების რისკის წინაშე აღმოჩნდება.
დეპოზიტების დაზღვევის სააგენტო აზღვევს იმათ დანაზოგებს, ვისაც თანხა ქართულ კომერციულ ბანკში აქვთ განთავსებული – თუ ბანკი, რომელშიც ანაბარი გაქვს გახსნილი, გაკოტრდა, 5 000 ლარამდე ზარალს აგინაზღაურებს დეპოზიტების დაზღვევის სახელმწიფო ფონდი.
რა ტიპის ანაბარი არსებობს?
საქართველოს ბაზარზე არსებული ბანკები გვთავაზობენ უამრავ განსხვავებულ შემნახველ ანგარიშს, თუმცა მასზე თანხის შეტანისა და სარგებლის დარიცხვის თავისებურებებიდან გამომდინარე, იყოფა, ძირითადად 3 ტიპად და თითოეული ‘განსხვავებული’ ანაბრის შემოთავაზება მათ მოდიფიკაციას წარმოადგენს. გავიცნოთ თითოეული მათგანი:
ვადიანი ანაბარი
ვადიანი ანაბარის შემთხვევაში წინასწარ არის განსაზღვრული, თუ კონკრეტულად რა ვადით განთავსდება თანხა შემნახველ ანგარიშზე და რა ვადის განმავლობაში დაერიცხება თანხას სარგებელი.
ვადიანი ანაბრის მთავარი პირობაა ის, რომ ხელშეკრულების მოქმედების პერიოდში თანხის დამატება შეუძლებელია. ვადიანი ანაბარი იხსენება კონკრეტული ვადით კონკრეტული რაოდენობის თანხის შესანახად.
➜ მოთხოვნამდე ანაბართან შედარებით, ვადიან ანაბრებზე საპროცენტო განაკვეთები, როგორც წესი, უფრო მაღალია.
მოთხოვნამდე ანაბარი
მოთხოვნამდე/შემნახველი ანაბარი არის უვადო და მომხმარებელს ნებისმიერ დროს შეუძლია თანხის დამატება ან გატანა შეუზღუდავი ვადით, თუმცა, შესაძლოა ბანკის მიერ ანაბარზე დაწესებული იყოს თანხის დღიური განაღდების ლიმიტი, ამიტომ, ანაბრის ხელშეკრულებაზე ხელის მოწერამდე კარგად გაეცანით ყველა პირობას.
➜ ჩვეულებრივ, შემნახველ დეპოზიტებზე საპროცენტო სარგებელი ნაკლებია სხვა ტიპის დეპოზიტებთან შედარებით.
ზრდადი ანაბარი
ზრდადი ანაბარი ვადიანი ანაბრის ტიპისაა – იხსნება კონკრეტული ვადითა და სარგებლის ფიქსირებული განაკვეთით, თუმცა, ვადიანი ანაბრისგან განსხვავებით, ზრდად ანაბარზე მომხმარებელს ანგარიშზე თანხის დამატების საშუალება აქვს.
ვადიანი და ზრდადი ანაბრების მოქმედების პერიოდი დაახლოებით მსგავსია – ორივე 3-დან 24 თვემდე ვადით იხსნება.
გაითვალისწინე, რომ ზოგიერთ ბანკს დაწესებული აქვს მინიმალური თანხა, რომელიც აუცილებლად უნდა განათავსოთ ანგარიშზე მისი გახსნისას, მნიშვნელოვანია, ყურადღება მიაქციოთ ბანკების ინდივიდუალურ შეთავაზებებსა და პირობებს!
თუ გსურს, რომ ყოველთვე შენი ხელფასიდან რაღაც ნაწილი დაზოგო და ბანკში გახსნილ შემნახველ ანგარიშზე გადაიტანო, ამისთვის კარგი არჩევანია ზრდადი ანაბრის გახსნა;
თუ უკვე არსებული დანაზოგის გადადება გსურს და არ გინდა, რომ მოაკლო თანხა გარკვეული პერიოდის განმავლობაში, მაშინ ვადიანი ანაბარი საუკეთესო ვარიანტია – იგი ზღუდავს შენ მიერ თანხის გამოტანის შესაძლებლობას.
თუ გსურს შენი შვილისთვის მომავალზე ზრუნვა და თანხის დაზოგვა დაიწყო მისი მცირე ასაკიდანვე, უმჯობესია გამოიყენო სპეციალურად ამ მიზნით შექმნილი საბავშვო ანაბრის შემოთავაზება, ბავშვი თანხის გამოყენებას შეძლებს მაშინ, როდესაც მიაღწევს სრულწლოვნებას.
რომელი ტიპის ანაბარი ავირჩიო?
ანაბრების პირობების სწრაფი მიმოხილვა
იმისათვის, რომ სწრაფად იპოვო საუკეთესო ანაბარი, ქვემოთ მიმოვიხილოთ საქართველოს ბაზარზე შემოთავაზებული ყველაზე პოპულარული დეპოზიტები და მათი პირობები.| ანაბარი | წლიური საპროცენტო სარგებელი | ანაბრის მოცულობა | ანაბრის ვადა |
|---|---|---|---|
| თიბისი ბანკის ვადიანი ანაბარი | 10.7% - 12% | 100 ლარიდან | 3-24 თვე |
| თიბისი ბანკის ანაბარი - "ჩემი მიზანი" | 11.35% - 11.8% | მინ. 5 ლარი | 3 - 24 თვე |
| თიბისი ბანკის შემნახველი ანაბარი | 2% | 10 ლარიდან | უვადო |
| საქართველოს ბანკის შეგროვებადი ანაბარი | 11.14% | 10 ლარიდან | 3-24 თვე |
| საქართველოს ბანკის ვადიანი ანაბარი | 11.14% | 500 ლარიდან | 3-24 თვე |
| საქართველოს ბანკის მოთხოვნამდე ანაბარი | 7.23% | 500 ლარიდან | უვადო |
ინვესტირების ალტერნატიული გზები
ყველაფერი ანაბრების შესახებ
ვისთვის არის განკუთვნილი ანაბარი?
შემნახველი ანაბარი თანხის დაზოგვის საუკეთესო გზაა მათთვის, ვისაც არ უყვარს რისკის აღება. თანხის შემნახველ ანგარიშზე განთავსებიდან 1 წლის შემდეგ შენ უკვე გაქვს გაზრდილი დანაზოგი, ამასთანავე, რისკი 0-მდეა დაყვანილი და სარგებლის მიღება გარანტირებულია.
თანხის დაზოგვის/ინვესტიციის ალტერნატიული გზებიც არსებობს, მაგალითად, კრიპტოვალუტის შეძენა, აქციების შეძენა და ა.შ. თუმცა, ამ ტიპის ინვესტიციის დროს სტაბილური სარგებლის მიღება გარანტირებული არასდროსაა, დამოკიდებული ხარ შენ მიერ შეძენილი კრიპტოვალუტის ან აქციების ფასის რყევებზე.
ვის შეუძლია ანაბრის გახსნა?
ანაბრის გახსნა შეუძლია თითქმის ყველას, ვინც არის სრულწლოვანი, ამ სერვისით სარგებლობა არ არის შეზღუდული უცხო ქვეყნის მოქალაქეებისთვის – როგორც საქართველოს, ასევე სხვაქვეყნის მოქალაქეებს შეუძლიათ საქართველოს ნებისმიერ ბანკში ანგარიშის გახსნა;
არ აქვს მნიშვნელობა ხარ უმუშევარი, გაქვს დაბალი საკრედიტო რეიტინგი თუ ცუდი გადახდების ისტორია, სურვილის შემთხვევაში ბანკი ვალდებულია გაგიხსნას შენთვის სასურველი ტიპის ანაბარი, თუ ანაბრის პირობებს აკმაყოფილებ.
ანაბრები vs აქციები vs კრიპტოვალუტა
თანხის კრიპტოვალუტასა და აქციებში დაბანდებით უფრო მეტი უკუგების მიღებაა შესაძლებელი, ვიდრე ანაბარზე შეტანის შემთხვევაში. განსაკუთრებით კი მაშინ, თუ გაინტერესებს ეს სფერო და იღბალიც შენს მხარესაა, თუმცა ინვესტირება აქციებსა და კრიპტოვალუტაში საკმაოდ რისკიანია და სარგებლის მიღების არავითარი გარანტია არ გაქვს, უფრო მეტიც, შესაძლოა სრულად დაკარგო შენი წლებით ნაგროვები დანაზოგი.
აქედან გამომდინარე, შემნახველი ანგარიში, შეიძლება, უკეთესი ვარიანტი იყოს თუ ეძებ თანხის დაზოგვის სტაბილურ და უსაფრთხო ვარიანტს.
რა უნდა გავითვალისწინო ანაბრის აღებამდე?
ანაბრის აღებამდე დაფიქრდი შემდეგ საკითხებზე:
- რა თანხის დაზოგვა გსურს და რა დროში?
- გსურს თუ არა ნებისმიერ დროს შეგეძლოთ ანაბარზე არსებული ფულის გამოტანა?
- გაქვს თუ არა კონკრეტული ნიშნული, რომელსაც გინდა მიაღწიოს შენმა დეპოზიტმა?
ამ კითხვებზე პასუხის გაცემის შემდეგ უფრო მარტივად აარჩევ შენთვის სასურველ ანაბრის ტიპს.
რამდენად დიდია უკუგება დანაზოგზე?
შენს დანაზოგზე დარიცხული სარგებელი დამოკიდებულია იმაზე, თუ რა ტიპის ანაბარს აირჩევ და რამდენად მაღალი ექნებნა პროცენტი.
** გახსოვდეს, რომ დანაზოგის ანაბარზე შეტანა არ არის ინვესტიციის ყველაზე მომგებიანი ფორმა, თუმცა მაინც უკეთესი ალტერნატივაა, ვიდრე ყულაბაში ან ბალიშის ქვეშ დაგროვება, რადგან დანაზოგი სახლში არ არის უსაფრთხოდ და, ამასთანავე, თვიდან თვემდე კარგავს ღირებულებას მაღალი ინფლაციის გამო.
რა ბენეფიტები აქვს ინვესტირების ამ ფორმას?
შემნახველი ანგარიშზე თანხის შეტანა ძალიან მარტივი გზაა, რათა შენს დანაზოგს დაერიცხოს სარგებელი და თანხა ინახებოდეს დაცულად.
თანხის ანაბარზე შეტანა არ საჭიროებს ფინანსურ უნარებს, რათა დაიცვა შენი დანაზოგი დაკარგვისგან (აქციებში დაბანდებისგან განსხვავებით).
ბანკში თანხის უსაფრთხოება და სარგებლის დარიცხვა თითქმის 100%-ით გარანტირებულია (უზრუნველყოფილია დეპოზიტების დაზღვევის სააგენტოს მიერ), ფონდებისა და კაპიტალის ბაზრებისგან განსხვავებით, სადაც თითქმის თანაბრადაა შესაძლებელი თანხის მიღებაც და დაკარგვაც.
საინტერესო ბლოგები
7 საუკეთესო ბლოგი ფინანსური განათლების მისაღებად
საქართველოში ფინანსური განათლება უფრო და უფრო პოპულარული ხდება, ჩვენი ვებ-გვერდის ვიზიტორებზე დაკვირვებით დავინახეთ ტენდენცია, რომ ძალიან ბევრი ადამიანი ინტერესდება პირადი ფინანსების საკითხებით, უფრო მეტს ფიქრობენ
იანვარი 15, 2023 ...
სუბსიდირების პროგრამა 2022 – ვის ეხება იპოთეკური სესხების სუბსიდირება?
იანვარი 15, 2023 ...
როგორ დავაღწიოთ თავი ვალებს?
ჩვენ გარშემო ყველას აქვს ვალები, ამიტომ, არ უნდა გრცხვენოდეთ, თუ თქვენც ბევრი ვალი გაქვთ სამწუხაროდ, მიმდინარე ვალდებულებები და ფინანსური პრობლემები არ არის უცხო საქართველოს მოსახლეობის ...
ივნისი 6, 2022 ...
ევაკუატორი
ამ ბლოგში მიმოვიხილავთ - როგორია ევაკუატორით მომსახურების ტარიფები და რა როგორ გამოვიძახოთ ევაკუატორი. ევაკუატორის მომსახურება ფასები ევაკუატორის მომსახურების ფასები დამოკიდებულია რა მანძილზე საჭიროებს ავტომობილი ევაკუატორით გადაყვანას. ფასი საშუალოდ ...
იანვარი 15, 2023 წუთზე ნაკლები
