ინვესტირება - გზამკვლევი დამწყებთათვის

საქართველოში ყველაზე პოპულარული ინვესტიციის სახეებია:

• კრიპტივალუტაში ინვესტირება (კრიპტოვალუტით ვაჭრობა)
• აქციებით ვაჭრობა სავაჭრო პლატფორმებზე
• უძრავი ქონების შეძენა
• თანხის ანაბარზე შეტანა

თეორიულად არ არსებობს ზღვარი, თუ რამდენის შოვნაა შესაძლებელი ინვესტიციით.

რა თქმა უნდა, არსებობს რეალისტური მიზნები, რომელთა მიღწევას ადამიანების უმეტესობა შეძლებს, თუ რეგულარულად განახორციელებენ ინვესტიციებს და გონივრულად წარმართავენ მათ ხელთ არსებულ ფულად რესურსებს. აქვე უნდა ითქვას, რომ არსებობს ძალიან ბევრი ადამიანი, ვინც ინვესტიციაზე უკუგება ვერ მიიღო და იზარალა.

ქვემოთ მოცემულ ცხრილში შეგიძლია ნახო საშუალო წლიური მოგება ინვესტიციის სახეების მიხედვით (მონაცემები დაკორექტირებულია ინფლაციის მიხედვით):

მნიშვნელოვანია გვახსოვდეს, რომ ისტორიული უკუგება, უხეშად რომ ვთქვათ, გულისხმობს კონკრეტულ აქტივზე გასულ წლებში დაფიქსირებული საშუალო უკუგების მაჩვენებელს და არ ნიშნავს იმას, რომ მომავალშიც იგივე ან უფრო მეტი იქნება უკუგების მაჩვენებელი.

რაშიც არ უნდა ჩადო ინვესტიცია, ყოველთვის არსებობს შენ მიერ ჩადებული თანხის დაკარგვის რისკი.

ინვესტიციის დაწყებამდე გაეცანი რამდენიმე რჩევას, რომელთა ცოდნა აუცილებელია, რათა ინვესტიციის შედეგად მიიღო მაქსიმალური სარგებლი.

გაითვალისწინე რისკი!

ინვესტიციის ჩადებიდას ყოველთვის დადგები ფულის დაკარგვის რისკის წინაშე, არ აქვს მნიშვნელობა რაში დააბანდებ თანხას. ბიზნესი შეიძლება გაკოტრდეს, კრიპტოვალუტის ფასი შეიძლება მინიმუმამდე დაეცეს (მაგალითად, ყველაზე პოპულარული - ბიტკოინის ფასი 53%-ით დაეცა 2021 წლის მაისში), უძრავი ქონების ღირებულება შეიძლება განახევრდეს და აშ.

ეს რეალობაა და ამ რეალობის წინაშე არაერთხელ დავმდგარვართ. განსაკუთრებით კი 2020 წლიდან, მას შემდეგ რაც პანდემიამ მოიცვა მთელი მსოფლიო.

ინვესტიციის დივერსიფიკაცია რისკის შემცირების ერთ-ერთი უნიკალური გზაა. შეგიძლია შეამცირო რისკები დივერსიფიკაციის გზით, ანუ შეგიძლია გადაანაწილო შენი ინვესტიცია რამდენიმე აქტივზე და დააზღვიო შენი საინვესტიციო პორტფელი. დივერსიფიკაციისთვის აირჩიე აქტივები, რომელთაც განსხვავებული ქცევა ახასიათებთ.

მაგალითად: შეგიძლია შეიძინო განსხვავებულ სფეროში მოღვაწე ან სხვადასხვა ქვეყნებში მოქმედი კომპანიების აქციები. თუ ერთ ქვეყანაში ეკონომიკური კრიზისი დაიწყება, იტოვებ შანსს, რომ სხვა ქვეყანაში სტაბილური ან აღმავაილ ეკონომიკური მდგომარეობა იქნება და შენი ინვესტიციის ნაწილი მაინც ნახავს მოგებას.

გამოიკვლიე ხარჯები!

აქციებისა და კრიპტოვალუტის სავაჭრო ზოგიერთ პლატფორმებზე საკუთარი ანგარიშის ქონა ფასიანია, შესაბამისად, შესაძლოა მოგიწიოს ყოველთვიურად შენ მიერ ნაშოვნი თანხიდან ნაწილის ამ პლატფორმაზე დატოვება.

სანამ რომლიმე პლატფორმაზე შექმნი ანგარიშს, პირველ რიგში გაარკვიე, რა დამატებით ხარჯებთან არის დაკავშირებული ამა თუ იმ პლატფორმაზე აქციების/კრიპტოვალუტის ან ნებისმიერი აქტივის შეძენა. ფასების შედარებასა და გადაწყვეტილების მიღებაში დაგეხმარება ჩვენ მიერ შექმნილი შედარების სისტემა, რომელიც ერთმანეთს ადარებს ონლაინ სავაჭრო პლატფორმების პირობებს.