მიმოხილვა საქართველოს ბანკი
საქართველოს ბანკი ემსახურება 2.2 მილიონ მომხმარებელს, აქვს საქართველოში სერვისცენტრების ერთ–ერთი ყველაზე ფართო ქსელი (279 სერვისცენტრი), საქართველოში ბანკომატების ყველაზე ფართო ქსელი (813 ბანკომატი), 2,723 თვითმომსახურების ტერმინალი, დისტანციური საბანკო მომსახურების სრული პაკეტი და 24 საათიანი თანამედროვე სატელეფონო ცენტრი.
საქართველოს ბანკის სააქციო კაპიტალის 99.52%-ს ფლობს „ბიჯეო ჯგუფი“ (BGEO Group PLC). „ბიჯეო ჯგუფის“ აქციები განთავსებულია ლონდონის საფონდო ბირჟის პრემიუმ ლისტინგში და ივაჭრება ლონდონის საფონდო ბირჟის ძირითად ბაზარზე. „ბიჯეო ჯგუფი“ ასევე შედის ლონდონის საფონდო ბირჟის ინდექსის, FTSE 250-ის კომპანიათა ჩამონათვალში.
„ბიჯეო ჯგუფის“ აქციების 94%–ს ფლობენ წამყვანი ინსტიტუციონალური ინვესტორები ისეთი ქვეყნებიდან, როგორებიცაა: დიდი ბრიტანეთი, ირლანდია, აშშ, კანადა, სკანდინავიის ქვეყნები, ლუქსემბურგი და სხვ.
„ბიჯეო ჯგუფის“ ყველაზე მსხვილი აქციონერები
საქართველოს ბანკის დირექტორთა საბჭოს და მათ მიერ დაკავებულ პოზიციებს ტოვებენ გენერალური დირექტორის მოადგილეები: დავით წიკლაური და რამაზ კუკულაძე. ფინანსური მიმართულებით ბანკის გენერალური დირექტორის მოადგილის პოზიციას დაიკავებს სულხან გვალია. სულხანს გვალიას საბანკო სფეროში საქმიანობის მრავალწლიანი გამოცდილება აქვს.
ის საქართველოს ბანკში არაერთ მმართველ თანამდებობას იკავებდა. მათ შორის, მრავალი წლის განმავლობაში საქართველოს ბანკის საკრედიტო რისკების (2005-2012) და კორპორაციული საბანკო საქმიანობის მიმართულებას (2012-2016) ხელმძღვანელობდა. სულხან გვალია არის კომპანია „E-Space”-ს დამფუძნებელი და დირექტორი, ასევე არის “ინეკობენკში” (სომხეთი) სამეთვალყურეო საბჭოს წევრი.
კორპორაციული და საინვესტიციო საბანკო მიმართულებით გენერალური დირექტორის მოადგილის პოზიციაზე, ვასილ ხოდელს ჩაანაცვლებს გიორგი ფაილოძე. ამავე დროს, ვასილ ხოდელი დირექტორთა საბჭოს შემადგენლობაში გენერალური დირექტორის მოადგილის პოზიციაზე რჩება.
კომპანიის ბორდი
გიორგი ფაილოძე ბანკს უერთდება Evercore-დან, საინვესტიციო საბანკო ფირმის ლონდონის ოფისიდან, სადაც ის სტრატეგიულ კონსულტაციებს ახორციელებდა კორპორაციული და კერძო საინვესტიციო კომპანიებისთვის სხავდასხვა დარგებში. გიორგი სხვადასხვა დროს იკავებდა წამყვან თანამდებობებს საბანკო სფეროში, მათ შორის ნიუიორკში Citi Investment Bank-ში, შემდეგ Evercore-ში ნიუ იორკის ოფისში და ბოლოს ლონდონის ოფისში. გიორგის დამთავრებული აქვს Cornell University-ის მენეჯმენტის სკოლა, MBA ხარისხით.
ბანკის დირექტორთა საბჭოში განხორციელებული ცვლილების მიხედვით მცირე და საშუალო (SME) ბიზნესი და SOLO ცალკე მიმართულებებად გაიყოფა. მცირე და საშუალო (SME) ბიზნესის მიმართულებას უხელმძღვანელებს ზურაბ მასურაშვილი, რომელიც მიკრო და მცირე ბიზნესის დაკრედიტების დეპარტამენტს ხელმძღვანელობდა.
ხოლო SOLO ბიზნეს მიმართულებას უხელმძღვანელებს ეთუნა ირემაძე, რომელიც საქართველოს ბანკში, წლების განმავლობაში, კორპორაციული საბანკო მომსახურების დეპარტამენტში VIP დირექტორის და SOLO-ს მიმართულებით პრემიუმ საბანკო მომსახურების ხელმძღვანელის პოზიციას იკავებდა. ეთუნა საქართველოს ბანკის გუნდს კომპანია „ჯორჯიან გლობალ უთილითის“ (GGU) გენერალური დირექტორის მოადგილის, პოზიციიდან უერთდება.
დირექტორის მიმართვა
“პირველ რიგში, მინდა დიდი მადლობა გადავუხადო დავითს და რამაზს იმ თავდადებისა და უდიდესი წვლილისთვის, რაც კომპანიის განვითარებაში, წინსვლასა და სულ სხვა საფეხურზე აყვანაში შეიტანეს! მოხარული ვარ დავასახელო საქართველოს ბანკის დირექტორთა საბჭოს ახალი შემადგენლობა. მოხარული ვარ, რომ ბანკს აქვს შესაძლებლობა მოიზიდოს მაღალკვალიფიციური კადრები მსოფლიოს სხვადასხვა წერტილიდან, და ასევე წაახალისოს ის ადამიანები ვისაც, მრავალი წლის განმავლობაში უდიდესი წარმატების გზა აქვთ გავლილი. კვლავ აღვნიშნავ, რომ საქართველოს ფინანსურ სექტორს აქვს შესაძლებლობა, კიდევ უფრო მეტი ციფრული და თანამედროვე მომსახურება შესთავაზოს მომხმარებელს. ვიმედოვნებ, რომ ბანკის გაძლიერებულ ახალ მმართველ და აღმასრულებელ გუნდთან ერთად, მომდევნო რამდენიმე წლის განმავლობაში ამ შესაძლებლობებს მაქსიმალურად გამოვიყენებთ”,- განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.
019 წლის 8 თებერვალს, ჰაიდელბერგცემენტის მოდერნიზებული კასპის ცემენტის ქარხნის და კლინკერის ახალი საწარმოო ხაზის ოფიციალური გაიხსნის ცერემონიალი გაიმართა. პროექტი საქართველოს ბანკთან მჭიდრო თანამშრომლობით, საქართველოს თანაინვესტირების ფონდის და ჰანიველ პარტნერსის მხარდაჭერით განხორციელდა.
კასპის ქარხნის მოდერნიზაციის პროექტის მოსამზადებელი სამუშაოები 2016 წლის სექტემბერში დაიწყო და მის განსახორციელებლად 100 მილიონი დოლარის ინვესტიცია გამოიყო. პროექტი უახლესი ტექნოლოგიებით კლინკერის წარმოების მშრალი ხაზის მშენებლობას გულისხმობს, რაც, თავის მხრივ, საწარმოო ხარჯების მნიშვნელოვნად შემცირებას და წარმადობის ზრდას განაპირობებს. პროექტის ფარგლებში დამონტაჟდა უმაღლესი სტანდარტის ფილტრაციის სისტემა და ემისიების მუდმივი მონიტორინგის სპეციალური აპარატურა, რომლის საშუალებითაც საწარმო მტვრისა და გამონაბოლქვის რაოდენობის გაკონტროლება ონლაინ რეჟიმში იქნება შესაძლებელი.
“თავდაპირველად მინდა აღვნიშნო, რომ საქართველოს ბანკისთვის მნიშვნელოვანია, ეკონომიკურად გამართული პროექტების დაფინანსება, რადგან წარმატებული კერძო სექტორი, ქვეყნის ეკონომიკის განვითარების წინაპირობაა. ჰაიდელბერგცემენტს საქართველოს ბაზარზე 12 წლიანი წარმატებული ისტორია აქვს. ამიტომ, ჩვენთვის ორმაგად სასიხარულო და საამაყოა, მხარი დავუჭიროთ არსებული ბიზნესის კიდევ უფრო მეტად განვითარებას. ამ კონკრეტულ პროექტში ბანკის მხრიდან გაცემული დაფინანსების მოცულობა შეადგენდა 20 მლნ. აშშ დოლარს. ვფიქრობთ, საქართველოს ბანკისა და ჰაიდელბერგცემენტის პარტნიორობისშედეგად განხორციელებული ინვესტიცია, ასევე, ახალი საწარმოო ხაზის გახსნა, მნიშვნელოვნად შეუწყობს ხელს კომპანიის სამომავლო განვითარებას”,- განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.
სესხები
“პროექტს რამდენიმე დიდი სარგებელი ექნება: ბევრად უფრო ეფექტური წარმოება გაცილებით ნაკლები ენერგოდანახარჯი; მაღალი ენერგოეფექტურობის ხარისხი; გაზრდილი წარმადობა (3000 ტონა კლინკერი დღეში, რაც კასპში არსებული ყველა ღუმელის ერთად აღებულ წარმოებაზე მეტია); კლინკერის ხარისხის ავტომატური კონტროლი და მართვის ცენტრალიზებული სისტემა. ახალი ტექნოლოგიების წარმოდგენის გარდა, პროექტი ასევე მნიშვნელოვანია საქართველოს ეკონომიკისთვის – ის გააუმჯობესებს ქვეყნის სავაჭრო ბალანსს და უზრუნველყოფს გარემოზე ზემოქმედების მინიმიზაციას”, – განაცხადა “ჰაიდელბერგცემენტ ჯორჯიას” ტექნიკურმა დირექტორმა, ზაზა სადუნიშვილმა.
“საქართველოს ბანკის და ჰაიდელბერგცემენტის თანამშრომლობა ათეულ წელზე მეტს ითვლის. ამ წლების განმავლობაში საქართველოს ბანკი იყო ჰაიდელბერგცემენტის საიმედო პარტნიორი ფინანსური ორგანიზაცია საქართველოში”, – განაცხადა “ჰაიდელბერგცემენტ ჯორჯიას” ფინანსურმა დირექტორმა, ეკა ტყეშელაშვილმა.
არა პარტნიორი კომპანია 
